స్టేషన్ ఘన్ పూర్: సాధారణంగా ఏ నియోజకవర్గంలోనైనా ఓటర్ల సంఖ్య పెరుగుతూ ఉంటుంది. అయితే విచిత్రంగా వరంగల్ జిల్లాలోని స్టేషన్ ఘన్ పూర్ నియోజకవర్గంలో ఓటర్ల సంఖ్య తగ్గింది. త్వరలో ఉపఎన్నికలు జరుగబోతున్న ఈ నియోజకవర్గంలో ప్రస్తుతం 2,18,965 మంది ఓటర్లు ఉన్నారు. అయితే గత ఎన్నికలతో పోలిస్తే ఓటర్ల సంఖ్య దాదాపు 10వేలు తగ్గింది. ప్రస్తుత ఓటర్లలో 1,10,277 మంది పురుషులు కాగా, 1,08,688 మంది మహిళలు. ఈ నియోజకవర్గంలో ఇప్పటివరకు 13 సార్లు జరిగిన ఎన్నికల్లో అనేకమంది ప్రముఖులు అసెంబ్లీకి ఎన్నికయ్యారు. వీరిలో నలుగురు మంత్రి పదవులను కూడా పొందారు. ఈ నియోజకవర్గంలో పోటీచేస్తున్న  అభ్యర్ధులు గెలుపుబాతపై దృష్టిసారించారు. సామాజిక వర్గాలు, కులాలు, మతాలవారీగా ఓటర్లను విడగొట్టి తమ ఓటుబ్యాంకును పెంచుకునేందుకు ప్రయత్నిస్తున్నారు. ఈసారి జరిగే ఎన్నికల్లో ఓటర్లు ఎలాంటి తీర్పునిస్తారో వేచి చూడాల్సిందే.