జక్కన్న రాజమౌళి చెక్కిన బాహుబలి సినిమా ఘన విజయం సాధించి రికార్డులు బద్దలు కొట్టింది. అయితే ఇప్పుడు బాహుబలి పార్ట్ 2 కోసం ప్రేక్షకులంతా ఎదురుచూస్తున్నారు. ఇప్పటికే ఈ సినిమాకి సంబంధించి 40 శాతం షూటింగ్ పూర్తయిందన్న వార్తలు కూడా వచ్చాయి. అయితే మళ్లీ ఈ సినిమా షూటింగ్ ప్రారంభించడానికి కొంత సమయం పట్టనున్న నేపథ్యంలో రాజమౌళి ఏం చేస్తున్నారో తెలుసా అన్ని సినిమాల వైపు ఓ లుక్కెస్తున్నట్టున్నారు. ఏ సినిమాలు వున్నాయ్.. ఎవరెవరు ఎలా చేస్తున్నారు అని బాగా పరిశీలిస్తున్నట్టున్నారు. ఈ నేపథ్యంలోనే ఆయనకు రెండు సినిమాలు బాగా నచ్చాయంట. సైజ్ జీరో సినిమాలో లావుగా, డీగ్లామర్ గా అనుష్క పాత్ర.. అలాగే నాయకి సినిమాలో త్రిష పాత్రలు బాగా నచ్చాయంట. అంతేకాదు ఈ సినిమాలకి సంబంధించి ట్వీట్టర్ లో పోస్టులు కూడా చేశాడు . సైజ్ జీరో సినిమాలో అనుష్క చాలా చక్కగా ఉందని.. ఇంకా నాయకి పాత్రలో అయితే త్రిష ఒక చేత్తో కత్తి.. ఒక చేత్తో పూజా సామాగ్రి పట్టుకొని చాలా బావుందని.. ఈ రెండు సినిమాల పోస్టర్లు చూస్తుంటేనే ఆసక్తి కలుగుతుందని ట్వీట్స్ చేశాడు. మరి జక్కన్నకే  ఈ సినిమాలు అంత బాగా నచ్చాయంటే మరి ప్రేక్షకులకు ఎంత బాగా నచ్చుతాయో చూడాలి.