యువ గాయని శ్రావణ భార్గవి పెద్ద ప్రమాదం నుండి తప్పించుకుంది. విజయవాడలో జరిగే ఓ కార్యక్రమంలో పాల్గొనేందుకు వెళ్తున్న శ్రావణ భార్గవి కారును రాంగ్ రూట్ లో వస్తున్న ఓ ట్రాక్టర్ డీకొట్టబోగా, అంతలోనే అప్రమత్తమైన కారు డ్రైవర్ దాన్ని తప్పించబోయి అదుపు తప్పి డివైడర్ ను డీకొట్టింది. అదృష్టం కొద్ది అదే సమయంలో కారు టైరు పగిలిపోవడంతో కారు అక్కడికక్కడే ఆగిపోయింది. ఈ సంఘటన నల్గొండ జిల్లా చిట్యాల శివారులోని జాతీయ రహదారిపై చోటుచేసుకుంది. ఈ విషయం తెలుసుకున్న శ్రావణ భార్గవి భర్త, సింగర్ హేమచంద్ర సంఘటన స్థలానికి చేరుకొని, ఆమెను మరో కారులో విజయవాడకు తీసుకెళ్ళాడు.