TeluguOne Health
● # Tweets

Download the TeluguOne App

Choose your platform to continue

ఆంధ్రప్రదేశ్‌కి ఆ అర్హత వుంది: మంత్రి

Published on: Sat Jun 14, 2014 11:30AM

 

ఆంధ్రప్రదేశ్‌కి ప్రత్యేక హోదా ఇచ్చే అర్హత లేదని మొదట బాంబు పేల్చిన కేంద్ర ప్రణాళికా సంఘం ఆ తర్వాత ఈ విషయంలో ఇంకా నిర్ణయం తీసుకోలేదని ఉపశమనం మాటలు చెప్పింది. అయితే ఆంధ్రప్రదేశ్‌కి ప్రత్యేక రాష్ట్ర హోదా పొందడానికి అన్ని అర్హతలూ వున్నాయని ఆంధ్రప్రదేశ్ సాంఘిక సంక్షేమ శాఖ మంత్రి రావెళ్ళ కిషోర్ అన్నారు. రాజధాని లేకపోవడం, మౌలిక వసతులు లేకపోవడం, రాష్ట్ర విభజన కారణంగా పరిస్థితులు గందరగోళంగా , ఉండడం, ఆర్ధిక వ్యవస్థ అస్తవ్యస్తంగా ఉండడం ఈ అర్హతలని ఆయన అన్నారు. ఆంధ్రప్రదేశ్‌కి ప్రత్యేక హోదాని ఇస్తూ త్వరలో కేంద్రం నిర్ణయం తీసుకుంటుందన్న నమ్మకాన్ని ఆయన వ్యక్తం చేశారు. ముఖ్యమంత్రి చంద్రబాబు నాయుడు ఆంధ్రప్రదేశ్‌కి ప్రత్యేక రాష్ట్ర హోదా సాధించి తీరుతారని ఆయన విశ్వాసం వ్యక్తం చేశారు.