వివాదాస్పద వ్యాఖ్యలు చేయడంలో ఉత్తర ప్రదేశ్ మంత్రి ఆజం ఖాన్ తర్వాతే ఎవరైనా.. అప్పుడు దేశంలో బీఫ్ గురించి అలాగే వివాదాస్పద వ్యాఖ్యలు చేశాడు. ఇప్పుడు ఆర్ఎస్ఎస్ (రాష్ట్రీయ స్వయంసేవక్ సంఘ్) పై సంచలన వ్యాఖ్యలు చేశారు. ఆర్ఎస్ఎస్ నేతలంతా స్వలింగ సంపర్కులని అందువల్లే వారు పెళ్లి పెటాకులు చేసుకోకుండా కాలం వెళ్లదీస్తున్నారంటూ మండిపడ్డారు. దీంతో అజంఖాన్ చేసిన వ్యాఖ్యలపై ఇప్పుడు సర్వత్రా విమర్శలు తలెత్తుతున్నాయి. ఆరెస్సెస్‌ నేతలతో పాటు విశ్వహిందూ పరిషత్ (వీహెచ్‌పీ) నేతలు అజంఖాన్ చేసిన వ్యాఖ్యలపై భగ్గుమన్నారు. అజంఖాన్ కు పిచ్చిపట్టి ఇలాంటి వ్యాఖ్యలు చేస్తున్నాడని.. అతనికి మతిస్థిమితంలేదు.. తక్షణం పిచ్చాసుపత్రిలో చేర్పించి తగిన వైద్యం చేయించాలని అంతేకాకుండా, తక్షణం ఆయనను మంత్రి పదవి నుంచి తప్పించాలని డిమాండ్ చేస్తున్నారు.