కత్తులతో కాదు.. కమలాపళ్ళతో చంపేశారు...
posted on Aug 22, 2014 11:33AM
తియ్యగా, మృదువుగా వుండే కమలా ఫలాలని మనం ప్రశాంతంగా ఒలుచుకుని తింటాం. అవసరం అనుకుంటే జ్యూస్ తీసుకుని తాగుతాం. ఓ సినిమా దర్శకుడయితే కమలాపళ్ళని హీరోయిన్ బొడ్డుమీద లాఘవంగా విసిరి ప్రేక్షకులను మెప్పిస్తాడు. అయితే కొంతమంది వ్యక్తులు కమలాపళ్ళని మర్డర్ చేయడానికి ఉపయోగించారు. ఒక వ్యక్తిని కమలాపళ్ళతో కొట్టి చంపారు. దక్షిణాఫ్రికాలోని గ్రామీణ ప్రాంతంలో ఈ విచిత్రమైన హత్య జరిగింది. దక్షిణాఫ్రికాలోని కమలాపళ్ళ తోటల్లో కాయలు సేకరించే కూలీల మధ్య గొడవ జరిగింది. ఇద్దరు కూలీలు తమకు గిట్టని మరో కూలీని కమలాపళ్ళతో కొట్టి మరీ చంపేశారు. కమలాపళ్ళ గుట్ట పక్కనే ఇద్దరూ నిల్చుని ఎదురుగా వున్న వ్యక్తి మీద వరసబెట్టి విసిరారు. దాంతో ఆ వ్యవసాయ కూలీ అక్కడికక్కడే చనిపోయాడు.