ఆ బిచ్చగాడు పోలీసులకే షాక్ ఇచ్చాడు సౌదీ అరేబియాలో భిక్షమెత్తుతున్న ఒక అరబ్ జాతీయుడిని పోలీసులు పట్టుకున్నాడు. సౌదీ అరేబియాలో భిక్షాటన నిషిద్ధం. అయితే చట్టాన్ని వ్యతిరేకిస్తూ భిక్షాటన చేస్తున్న ఒక వ్యక్తిని సౌదీ అధికారులు అదుపులోకి తీసుకుని అతడిని సోదా చేయగా నగదుతోపాటు 12 లక్షల సౌదీ రియల్స్ అతని ఇంట్లో లభించాయి. అతను కోటీశ్వరుడని తెలియడంతో పోలీసుల కళ్లు బైర్లు కమ్మాయి. యాచకుడి అవతారంలో ఉన్న అతగాడు దాదాపు 3 లక్షల అమెరికన్ డాలర్ల ఆస్తిపరుడని అధికారుల దర్యాప్తులో తేలింది. ఒక గల్ఫ్ దేశం నుంచి పెట్టుబడిదారు లైసెన్సు కూడా అతగాడు పొందినట్లు బయటపడింది. ఆ వ్యక్తికి భార్య, ముగ్గురు పిల్లలు ఉన్నారు. వీరంతా సౌదీలో ఎంచక్కా విలాసవంతమైన జీవితం గడుపుతున్నారు.