ఈమధ్యకాలంలో ‘ఐస్ బకెట్ ఛాలెంజ్’ చాలా పాపులర్ అయింది. దాన్ని అనుసరిస్తూ అనేక ఛాలెంజ్‌లు రంగంలోకి దిగాయి. అయితే మలయాళ నటుడు మమ్ముట్టి ఏవేవో పిచ్చిపిచ్చి ఛాలెంజ్‌లు చేయకుండా ‘మై ట్రీ ఛాలెంజ్’ అనే ఒక మంచి ఛాలెంజ్‌ని ప్రవేశపెట్టాడు. మమ్ముట్టి మూడు చెట్లు నాటి మరో ముగ్గురు సినీ ప్రముఖులకు ‘మై ట్రీ ఛాలెంజ్’ విసిరాడు. ఆ ఛాలెంజ్ ప్రకారం ఆ ముగ్గురు నటులు మూడేసి చెట్లు నాటి వాళ్ళు కూడా ఛాలెంజ్ చేయాలి. మమ్ముట్టి మూడు చెట్లు నాటి సూర్య, విజయ్, షారుక్ ఖాన్లకు ఛాలెంజ్ విసిరాదు. ఈ ఛాలెంజిని స్వీకరించిన సూర్య.. తన తర్వాత ముగ్గురిని సవాలు చేశాడు. వాళ్లలో మహేష్ బాబు, సుదీప్, అమీర్ ఖాన్ ఉన్నారు. మిగతావాళ్ళ సంగతేమోగానీ, మన మహేష్‌బాబు ఈ ఛాలెంజ్‌ని స్వీకరిస్తాడో లేదో చూడాలి.