పార్లమెంట్ వర్షాకాల సమావేశాలు ప్రారంభమైన దగ్గరనుండి కాంగ్రెస్ నేతలు ఇప్పటివరకూ సభను సజావుగా సాగించింది లేదు. లలిత్ మోదీ వ్యవహారంలో సుష్మా స్వరాజ్ ను వసుంధరా రాజేలు రాజీనామా చేయాలని పట్టుబడుతూనే ఉన్నారు. అయితే ఈ వ్యవహారంపై సుష్మా స్వరాజ్ స్పందిస్తూ నేను తాను కేవలం క్యాన్సర్‌తో బాధపడుతున్న లలిత్‌ మోడీ భార్యకు మాత్రమే సహాయం చేశానని, నా స్థానంలో సోనియాగాంధీ ఉంటే ఏం చేసేవారని ప్రశ్నించారు. దీనికి సోనియా గాంధీ కూడా తనదైన శైలిలో సమాధానమిచ్చారు. సుష్మా స్వరాజ్ మాటల గారడీలో ఎక్స్‌పర్ట్ అని.. ఒకవేళ తాను కనుక అలాంటి పరిస్థితిలో ఉంటే డబ్బు సహాయం చేసేదాన్నని.. ఇలా చట్ట విరుద్దంగా చేసే దాన్ని కాదని అన్నారు. అయితే ఇప్పుడు సోనియా గాంధీ సుష్మా స్వరాజ్ పై చేసిన వ్యాఖ్యలకు ధీటుగా కేంద్రమంత్రి స్మృతి ఇరానీ కౌంటర్ ఇచ్చారు. సోనియా గాంధీ ఏదైనా ప్రసంగం ఇవ్వాలంటే అంత సులభం కాదు.. ప్రసంగాన్ని పేపర్ పైన రాసుకొని చదువుకున్నాకే మాట్లాడగలరని ఎద్దేవా చేశారు.