కాంగ్రెస్ మాజీ అధ్యక్షురాలు సోనియా గాంధీ అస్వస్థతకు గురయ్యారు. దీంతో ఆమె డిల్లీలోని గంగారం ఆస్పత్రిలో చేరి చికిత్స పొందుతున్నారు. గురువారం ( మార్చి 2) నుంచి సోనియాగాంధీ జ్వరంలో బాధపడుతుండటంతో ఆమెను ఆస్పత్రికి తీసుకు వెళ్లారు.

ప్రస్తతం ఆమెకు ఆస్పత్రిలో చికిత్స అందిస్తున్నారు. ఆమె ఆరోగ్యం నిలకడగా ఉందని ఆమెకు చికిత్స అందిస్తున్న వైద్యులు తెలిపారు. ఇలా ఉండగా ఇటీవలి కాలంలో ఆమె తరచూ అస్వస్థతకు గురి కావడం పార్టీ శ్రేణులలో ఆందోళకు కారణమౌతోంది.

కొద్ది కాలం కిందట ఆమె శ్వాస కోశ సంబంధిత ఇబ్బందితో ఇదే ఆస్పత్రిలో చికిత్స పొందిన సంగతి విదితమే. అలాగే గతంలో కూడా ఆమె ఇదే ఆసుపత్రిలో ఉదర సంబంధ ఇబ్బందులతో చికిత్స చేయించుకున్నారు.