కాంగ్రెస్ పార్టీ అధినేత సోనియాగాంధీ 69వ పుట్టిన రోజు సందర్భంగా అందరూ ఆమెకు శుభాకాంక్షలు తెలుపుతున్నారు. ప్రధాని నరేంద్ర మోడీ కూడా ఆమె పుట్టిన రోజు సందర్భంగా " ఆమె ఆరోగ్యంగా ఉండాలని.. దేవుడు ఆమెకు దీర్ఘాయుష్షును ఇవ్వాలని" ట్విట్టర్ ద్వారా ఆమెకు శుభాకాంక్షలు తెలిపారు. ఇక తెలుగు రాష్ట్రాల్లో కాంగ్రెస్ నేతలు అయితే కేక్ కట్ చేసి ఘనంగా వేడుకలు నిర్వహిస్తూ.. ఆమెకు శుభాకాంక్షలు తెలిపారు. అయితే ఆంధ్రప్రదేశ్ లో కొంతమంది మాత్రం ఈరోజును బ్లాక్ డే గా పాటిస్తున్నారు. ఆంధ్రప్రదేశ్ రాష్ట్రాన్ని ముక్కలుగా విభజించాలని సోనియా గాంధీ 2013 డిసెంబర్ 9 వ తేదీనే నిర్ణయించున్నారట. దీంతో ఏపీలో కాంగ్రెస్ నేతలు మాత్రం పార్టీ వేడుకలు చేస్తుంటే మిగిలినవారు మాత్రం ఏపీ బ్లాక్ డే పాటిస్తున్నారు.