గర్ల్స్ హాస్టల్లో పాము దూరింది. నానా హడావిడి చేసింది. ఆ పామును చూసి అమ్మాయిలందరూ కెవ్వుమని కేకలు వేస్తే చెల్లాచెదురైపోయారు. చివరికి గర్ల్స్ హాస్టల్‌లోకి వచ్చిన ఆ పాము చచ్చింది. ఈ సంఘటన పూర్వాపరాల్లోకి వెళ్తే, నిజామాబాద్ జిల్లా బోధన్లోని ప్రభుత్వ సాంఘిక సంక్షేమ హాస్టల్లోకి ఈరోజు ఉదయాన్నే ఓ పాము వచ్చింది. పాముని చూసి హాస్టల్లోని బాలికలు తీవ్ర భయాందోళనకు గురై హాస్టల్ బయటకి పరుగులు పెట్టారు. హాస్టల్ వార్డెన్, హాస్టల్ సిబ్బంది పాము కోసం తీవ్రంగా గాలించారు. పాము దొరికినట్టే దొరికి చాలాసార్లు తప్పించుకుంది. చివరికి హాస్టల్‌లోని ఓ గదిలో నక్కిన పామును చంపేశారు.