మహిళలు పొగతాగితే ప్రమాదమని ఎన్నో పరిశోధనలు తెలిపాయి. తాజాగా ఓ పరిశోధన గర్భిణులు పొగత్రాగితే వారికి పుట్టే పిల్లలతో పాటు, వారి పిల్లలకు పుట్టే పిల్లలకు కూడా హాని జరుగుతుందని పరిశోధనలు చెబుతున్నాయి. మహిళలు గర్భంలో ఉన్న సమయంలో పొగత్రాగితే కచ్చితంగా వారి మనవళ్ళు, మనవరాళ్ళ జీవితంపై ప్రభావం చూపుతుందని శాస్త్రవేత్తలు తెలిపారు. వారు ఎముకలు, కండరాలు సంబంధిత వ్యాధుల బారిన పడే అవకాశ: ఉందని తెలిపారు. మగ పిల్లలు యవ్వన దశలో వారి కండరాలు పెరగాల్సిన దానికంటే మరింత ఎక్కువ పెరిగి దుష్రభావాలు బయటపడతాయని, అదే అమ్మాయిలైతే పెరగాల్సిన ఎత్తుతో పాటు, బరువులో తీవ్రమైన వ్యత్యాసం వస్తుందని పరిశోధకులు వెల్లడించారు.