మోడీ పై శివసేన కామెంట్స్.. కప్పు టీ తో ఏడుగురు భారత జవాన్లు మృతి
Published on: Tue Jan 5, 2016 3:36PM

వివాదాస్పద వ్యాఖ్యలు చేయడంలో శివసేన ఎప్పుడూ ముందుంటుంది. ఇప్పుడు కూడా ప్రధాని నరేంద్రమోడీ పై అలాంటి వ్యాఖ్యలే చేసింది. పంజాబ్ లోని పఠాన్ కోట్ విమాన స్థావరంపై ఉగ్రవాదులు దాడి చేసిన సంగతి తెలిసిందే. దీనిపైన గాను శివసేన తమ అధికార పత్రిక అయిన సామ్నాలో మోడీపై విమర్శలు గుప్పించారు. పాకిస్థాన్ నమ్మరాదని గతంలోనే మోడీని హెచ్చరించామని.. అయినా తమ మాటలను మోడీ లెక్కచేయలేదని.. ఇప్పుడు దానికి తగిన మూల్యం చెల్లించుకోవాల్సి వచ్చిందని అన్నారు. ఇప్పటికైనా మోడీ ప్రపంచాన్ని ఏకం చేసే పనిని మానుకుని భారత్ పై దృష్టి పెట్టాలని ఘాటుగానే సూచించింది. పాకిస్థాన్ ప్రధాని నవాజ్ షరీఫ్ తో కప్పు టీ పంచుకున్నందుకు ప్రతిఫలంగా ఏడుగురు భారత జవాన్లు అమరులయ్యారని విచారం వ్యక్తం చేశారు. మరి శివసేన చేసిన వ్యాఖ్యలకు మోడీ ఎలా రియాక్ట్ అవుతారో చూడాలి.


