TeluguOne Health
● # Tweets

Download the TeluguOne App

Choose your platform to continue

ఓడిపోయింది అభ్యర్ధి.. పార్టీ కాదు.. శంకర్రావు

Published on: Wed Nov 25, 2015 2:56PM


వరంగల్ ఉపఎన్నికల్లో టీఆర్ఎస్ పార్టీ ఘన విజయం సాధించిన సంగతి తెలిసిందే. దీంతో టీఆర్ఎస్ పార్టీ.. తమ గెలుపుకు సంబంధించి ప్రెస్ మీట్ లు పెట్టి పార్టీని పొగుడుకుంటుంటే.. మిగిలిన పార్టీలు తమ పరాభవాన్ని కప్పిపుచ్చుకునేందుకు ప్రయత్నాలు చేస్తూ.. పనిలో పనిగా అటు టీఆర్ఎస్ పై కూడా రెండు విమర్శలు పడేస్తున్నారు. అయితే తమ పార్టీని కవర్ చేయడంలో మాత్రం కాంగ్రెస్ పార్టీ నేత శంకర్రావు తన స్టైల్ ను చూపించారు. మామూలుగానే శంకర్రావు చిత్ర విచిత్రమైన వ్యాఖ్యలు చేస్తుంటారు. ఇప్పుడు వరంగల్ ఉప ఎన్నికల్లో పార్టీ ఓడి పోవడంపై కూడా అలాంటి వ్యాఖ్యలే చేసి పార్టీ నేతలు సైతం విస్తుపోయేలా చేశారు. వరంగల్ ఉప ఎన్నికల్లో ఓడిపోయింది అభ్యర్ధి సర్వే నారాయణ అంతేకానీ పార్టీ కాదు అని వ్యాఖ్యానించారు. సర్వే లోకల్ క్యాండిడేట్ కానందువల్లే ఓడిపోయారని అన్నారు. మొత్తానికి శంకర్రావు ఓటమికి కొత్త అర్ధాన్ని చెప్పారు. కాగా ప్రత్యేక తెలంగాణ ఇచ్చిన సోనియమ్మకు గుడి కడతానని హడావుడి చేసిన శంకర్రావు ఇప్పుడు ఆ సంగతి మర్చిపోయినట్టు ఉన్నారు.