‘షమితాబ్’ షార్ట్ అండ్ స్వీట్ రివ్యూ
posted on Feb 6, 2015 3:50PM
తమిళ హీరో ధనుష్ తన తొలి హిందీ సినిమా ‘రాంఝానా’ ద్వారా హిట్టు కొట్టాడు. ఇప్పుడు బాలీవుడ్ లెజెండ్ అమితాబ్ బచ్చన్తో కలసి నటించిన ‘షమితాబ్’ సినిమా శుక్రవారం నాడు విడుదలైంది. కమల్ హాసన్ రెండో కూతురు అక్షర హాసన్ ఈ సినిమాలో కథానాయిక. ఆర్.బాల్కి ఈ సినిమా దర్శకుడు. ఈ సినిమా కథలోకి వస్తే, సినిమా హీరో అవుదామని ముంబైకి వెళ్ళిన ధనుష్కి అక్కడ అసిస్టెంట్ డైరెక్టర్గా పనిచేస్తున్న అక్షర హాసన్ పరిచయమవుతుంది. అయితే పీలగా వుండే గొంతుతో వుండే ధనుష్కి అమితాబ్ డబ్బింగ్ చెబితే బాగుంటుందని అక్షర హాసన్ సూచిస్తుంది. ఈ మేరకు అమితాబ్ తనకు డబ్బింగ్ చెప్పే విధంగా ధనుష్కి, అమితాబ్కి ఒప్పందం కుదురుతుంది. అమితాబ్ డబ్బింగ్ పుణ్యమా అని ధనుష్ స్టార్ అవుతాడు. అయితే ఆ తర్వాత ధనుష్, అమితాబ్ మధ్య అభిప్రాయ భేదాలు, ఇగో ప్రాబ్లమ్స్ తలెత్తడంతో అమితాబ్ ధనుష్కి డబ్బింగ్ చెప్పనని అంటాడు. ఇద్దరికీ గొడవ జరుగుతుంది. ఆ తర్వాత ఏం జరిగిందనేది ‘షమితాబ్’ కథాంశం. అమితాబ్ బచ్చన్, ధనుష్ నటన ఇరగదీశారు. అక్షర హాసన్ ముద్దు ముద్దుగా కనిపించింది. విషయం వున్న పిల్లే అనిపించింది. మొత్తమ్మీద చూడదగ్గ సినిమా ’షమితాబ్’