విక్టరీ వెంకటేష్ నటించిన స్టైలిష్ యాక్షన్ మూవీ 'షాడో' ప్రపంచ వ్యాప్తంగా విడుదలైంది. ఫ్యామిలీ చిత్రాలతో ప్రేక్షకులను ఆకట్టుకోనే వెంకటేష్, ఈ సారి యాక్షన్ మూవీ తో తన అదృష్టాన్ని పరిక్షించుకోబోతున్నాడు. ఈ సినిమాకి ప్రేక్షుకుల నుంచి వస్తున్న టాక్ ఏ మాత్రం బాగోలేదని అంటున్నారు. ఈ సినిమా లో వెంకటేష్ నటన ప్రేక్షకులను మెప్పించలేకపోయిందని అంటున్నారు. అయితే ఈ క్రెడిట్ అంతా మెహర్ రమేష్ కే దక్కుతుందని, వెంకటేష్ లాంటి నటుడు దగ్గర నుంచి ఇలాంటి నటన రాబట్టుకున్న ఘనత మెహర్ కే దక్కిందని అంటున్నారు. తాప్సీ అందాల ఆరబోతకే తప్ప, సినిమాలో చేయడానికి ఏమి లేదు. శ్రీకాంత్ కూడా చేయడానికి ఏమి లేదు. ఎంఎస్ నారాయణ సినిమాలో గంట సేపు వున్న ఐదు నిముషాలు కూడా నవ్వించలేకపోయాడు. తమన్ సంగీతం యావరేజ్ గా మార్కుని దాటాలేకపోయింది. ఈ సినిమాలో మెచ్చుకోదగ్గ విషయం ఏమిటంటే నిర్మాణ విలువలు మాత్రమే. నిర్మాత దర్శకుడు పై పెట్టిన నమ్మకాన్ని నిలబెట్టుకోలేకపోయాడు.