కాంట్రాక్టు ఉద్యోగుల రెగ్యులరైజ్ అంశాన్ని వ్యతిరేకిస్తూ ఉస్మానియా విశ్వవిద్యాలయం స్టూడెంట్స్ చేస్తున్న ఆందోళన కార్యక్రమాలు సబబేనని మాజీ మంత్రి, కాంగ్రెస్ ఎమ్మెల్సీ షబ్బీర్ అలీ అన్నారు. తమ హక్కుల సాధన కోసం ఆందోళన చేస్తున్నవారిపై దారుణంగా లాఠీఛార్జ్ చేయటం సరైన పద్ధతి కాదని ఆయన సోమవారమిక్కడ వ్యాఖ్యానించారు. తెలంగాణ విద్యార్థి లోకాన్ని అవమానించే విధంగా మాట్లాడిన హోంమంత్రి నాయిని నర్సింహారెడ్డి తక్షణం విద్యార్థులకు క్షమాపణ చెప్పాలని షబ్బీర్ అలీ డిమాండ్ చేశారు. తెలంగాణ వచ్చిన తర్వాత కూడా విద్యార్థులపై లాఠీఛార్జ్ జరగటం బాధాకరమన్నారు.