TeluguOne Health
● # Tweets

Download the TeluguOne App

Choose your platform to continue

ఏడుగురు పిల్లల ప్రాణాలు తీసిన లిచీ పళ్ళు!

Published on: Sat Jun 7, 2014 5:01PM

 

 

 

విదేశాల నుంచి దిగుమతి అయ్యే లిచి పండు గురించి చాలామందికి తెలుసు. రేటుకూడా చాలా ఎక్కువ అయిన లిచీ పండును కొంతమంది ఇష్టంగా తింటారు. పుల్లగా వుండే ఆ పండు ఆరోగ్యానికి చాలా మంచిదని అనుకుంటారు. అయితే ఆ పండులో ఏర్పడే వైరస్ ప్రాణాలను తీసే అవకాశం కూడా వుంది. అవును ఇదినిజం.. రిస్క్ తీసుకోవద్దు.. లిచీ పండు తినవద్దు. దాని జ్యూస్ తాగవద్దు. ఎందుకంటే లిచీ పండు ద్వారా వ్యాపించే 'లిచీ సిండ్రోమ్' వైరల్ ఇన్పెక్షన్ కారణంగా పశ్చిమ బెంగాల్‌లో ఏడుగురు చిన్నారులు అన్యాయంగా చనిపోయారు. ఈ విషయాన్ని పశ్చిమ బెంగాల్‌ అధికారులు వెల్లడించారు. మంగళవారం నుంచి లిచీ వైరస్ కారణంగా బెంగాల్‌లో మరణాల పరంపర మొదలైంది. ఇప్పటి వరకు ఏడుగురు పిల్లలు మరణించారు. వీరందరూ 2 నుంచి 4 సంవత్సరాల వయసు లోపు వారే! లిచీ సిండ్రోమ్ వ్యాధి సోకిన వారి మెదడు వాస్తుందని ఆ తర్వాత ఐదు నుంచి ఆరు గంటల లోపు మరణం సంభవిస్తుంది. ఈ వ్యాధి మొదట చైనాలో కనిపించింది. అప్పుడప్పుడు భారతదేశంలో కూడా కనిపిస్తూ వుంటుంది. 2012లో పశ్చిమ బెంగాల్‌లోనే ఈ వ్యాధి కనిపించింది. ఇప్పుడున్న పరిస్థితుల్లో పిల్లలు గానీ, పెద్దలు గానీ లిచీ పండు తినడం ఎంతమాత్రం మంచిది కాదని. రిస్కు తీసుకోవద్దని వైద్యులు చెబుతున్నారు. ఒకవేళ ఇప్పటికే లిచీ పళ్ళు తినడం గానీ, లిచీ పళ్ళ రసం తాగడం గానీ చేసిన వారు వైద్యుడిని సంప్రదించడం మంచిదని సూచిస్తున్నారు.