ఏపీకి ఒక్కరోజులో 15 లక్షల మంది..
Published on: Sat Jan 16, 2016 11:29AM

సంక్రాంతి పండుగ సీమాంధ్రులకు ఎంతపెద్ద పండుగో అందరికి తెలిసిందే. అయితే ఈ పండుగ సందర్భంగా ఏపీకి ఎంతమంది వెళ్లారు అన్న లెక్క ఇప్పుడు ఆసక్తికరంగా మారింది. ముఖ్యంగా హైదరాబాద్ నుండి ఎంతమంది ఏపీ వారు వెళ్లారో చూస్తే షాకవ్వాల్సిందే. సంక్రాంతి సందర్భంగా వివిధ ప్రాంతాలనుండి దాదాపు 20 నుండి 25 లక్షల మంది ఏపీకి వెళ్లగా అందులో దాదాపు 15 లక్షల మంది ఒక్క హైదరాబాద్ నుంచే ఆంధ్రాకు వెళ్లినట్లుగా లెక్క వేస్తున్నారు. రైలు.. బస్సు ప్రయాణాల లెక్కను ప్రాతిపదికగా తీసుకుంటే ఈ సంఖ్యను చెప్పొచ్చు. కాగా ఊర్లకి వెళ్లిన వారందరూ ఒకేరోజు తిరిగి రానున్న పరిస్థితి. దీంతో.. తిరుగు ప్రయాణం పెద్ద ఇబ్బందిగా మారింది. ఒకేరోజు 15 లక్షల మంది తిరిగి రానుండటంతో ట్రాఫిక్ మరీ ఎక్కువగా మారే పరిస్థితి ఏర్పడింది.


