తిరుపతి సమీపంలోని తపన్‌పల్లి క్రాస్ దగ్గర ఒక స్కూలు బస్సును ఒక ఇసుక లారీ, తమిళనాడుకు చెందిన ఆర్టీసీ బస్సు ఒకేసారి ఢీకొన్నాయి. ఈ ప్రమాదంలో స్కూలు బస్సులో వున్న 20 మంది విద్యార్థులలో 15 మంది విద్యార్థులకు గాయాలయ్యాయి. గాయపడిన విద్యార్థులను వెంటనే తిరుపతిలోని ఆస్పత్రికి తరలించి చికిత్స చేస్తున్నారు. ప్రమాదం కారణంగా బస్సు అద్దాలన్నీ ముక్కలు ముక్కలు అయిపోయాయి. ఆ అద్దాలు తగలడం వల్లే విద్యార్థులు రక్తసిక్తమయ్యారు. బస్సులోని స్కూలు బ్యాగులన్నీ రక్తసిక్తమయ్యాయి. విద్యార్థులకు తగిలిన గాయాలన్నీ ప్రమాదకరమైనవి కావని, వారెవరికీ ప్రాణాపాయం లేదని తెలుస్తోంది.