సౌదీ అరేబియా ప్రభుత్వం ఓ ఉద్యోగ ప్రకటన చేసింది. అది అలాంటి ఇలాంటి జాబ్ ఆఫర్ కూడా కాదండి తలలు నరిగే జాబ్ ఆఫర్. విషయం ఏంటంటే ఇస్లామికి చట్టాన్ని కఠినంగా అమలు చేసే దేశాల్లో సౌదీ అరేబియా ఒకటి. ఈ దేశంలో మత్తుమందుల రవాణా, అత్యాచారం, హత్య ఆయుధాల దోపిడీ వంటి అనేక రకాల నేరాలకు చాలా కఠినమైన శిక్షలు విధిస్తుంటారు. ఈ శిక్షల్లో శిరచ్చేదనం, తుపాకీతో కాల్చడం, రాళ్లతో కొట్టడం వంటి శిక్షలు విధిస్తుంటారు. అయితే చాలా వరకూ శిరచ్ఛేదనాన్నే అమలు చేస్తుంటారు సౌదీ అరేబియన్లు. ఈ నేపథ్యంలో ఆ దేశ సివిల్ సర్వీస్ మంత్రిత్వ శాఖ శిరచ్ఛేదం చేసేందుకు మొత్తం ఎనిమిది మంది ఉద్యోగులు కావాలంటూ అందరూ విస్తుపోయే ఈ నోటిఫికేషన్ విడుదుల చేసింది. ఈ పోస్టుకు దరఖాస్తు చేసుకునే వారికి ఎటువంటి విద్యార్హతలు అవసరం లేదని, ఎటువంటి రాత పరీక్షలు కూడా ఉండవని సౌదీ అరేబియా ప్రభుత్వం తెలిపింది.