అఖిలేష్ కు వ్యతిరేకమే... కానీ..

 

సమాజ్ వాదీ పార్టీలో కుటుంబ విబేధాలు ముగుస్తున్నట్టే కనిపిస్తున్నా.. రోజుకో ఉదంతం బయటకు వస్తునే ఉంది. అసలు ములాయం కుటుంబంలో కలహాలకు కారణమైంది అమర్ సింగ్ అని ఇప్పటికే ఆరోపణలు మోస్తున్న సంగతి తెలిసిందే. అయితే ఇప్పుడు ఆ వార్తలపై స్పందించిన అమర్ సింగ్... కీలక వ్యాఖ్యలు చేశారు. ముఖ్యమంత్రి పదవిలో ఉన్న అఖిలేష్ విధానాలు తనకు నచ్చక ఆయనకు వ్యతిరేకంగా ఉండవచ్చేమోగానీ, తన ఆప్తమిత్రుడు ములాయం సింగ్ యాదవ్ కుమారుడిగా అఖిలేష్ ఎప్పుడూ తనవాడేనని చెప్పుకొచ్చారు. తన త్యాగంతో, సమాజ్ వాదీ పార్టీలో గొడవలన్నీ సద్దుమణుగుతాయని చెబితే, తానందుకు సిద్ధమేనని అన్నారు. పార్టీ నేత రాంగోపాల్ యాదవ్ నుంచి తనకు ప్రాణహాని ఉందని అమర్ సింగ్ తెలిపారు.