దాదాపు 13 ఏళ్ల పాటు సాగిన బాలీవుడ్ నటుడు సల్మాన్ ఖాన్ కేసుపై ఈ రోజు తుది తీర్పు వెలువడింది. సల్మాన్ ను దోషిగా నిర్దేశించలేమని.. సాక్ష్యాలు సేకరించడంలో ప్రాసిక్యూషన్ విఫలమైందని హైకోర్టు తెలిపింది. కాగా 2002 లో హిట్ అండ్ రన్ కేసులో ఒకరి మృతికి కారణమయ్యారని సల్మాన్ ఖాన్ పై అభియోగాలు ఉన్న సంగతి తెలిసిందే. అయితే సల్మాన్ ఖాన్ నిర్ధోషి అని కోర్టు తీర్పు చెప్పిన నేపథ్యంలో ఆయన కుటుంబసభ్యులు.. అభిమానులు అందరూ చాలా ఆనందం వ్యక్తం చేస్తున్నారు. అంతేకాదు ట్విట్టర్ ద్వారా కూడా తమ అభినందనలు తెలుపుతున్నారు. ఇదంతా ఒకటైతే.. మరోవైపు సల్మాన్ ఖాన్ నిర్ధోషి అని కోర్టు తీర్పు ఇవ్వడంపై పలువురు విమర్శలు కూడా చేస్తున్నారు. కోర్టు ఇచ్చిన తీర్పును బట్టి తాగింది సల్మాన్ ఖాన్ కాదు.. తాగింది కారన్నమాట అని ఒకరంటే.. ఈరోజు చాలా బాధాకరమైన రోజు అని మరొకరు కామెంట్లు విసురుతున్నారు.