రోజా సస్పెన్షపై కమిటీ చర్చ..
Published on: Tue Jan 19, 2016 5:06PM

వైసీపీ ఎమ్మెల్యే రోజా అసెంబ్లీలో అనుచిత వ్యాఖ్యలు చేసినందుకుగాను ఆమెను ఏడాది పాటు సస్పెండ్ చేసిన సంగతి తెలిసిందే. ఈనేపథ్యంలో ఆమె సస్పెండ్ పై విచారించేందుకు గాను డిప్యూటీ స్పీకర్ మండలి బుద్ధ ప్రసాద్ నేతృత్వంలో విచారణ కమిటీ ఏర్పాటైన సంగతి కూడా విదితమే. అయితే ఇప్పుడు దీనికి సంబంధించి విచారణ కమిటి ఈరోజు మూడు గంటల పాటు చర్చించినట్టు తెలుస్తోంది. అసెంబ్లీ శీతాకాల సమావేశాల్లో జరిగిన వాదనల గురించి.. శాసనసభ వీడియో ఫుటేజీల లీకేజీపై కమిటీ సుదీర్ఘంగా చర్చించింది. కాగా దీనిపై చర్చించేందుకు గాను తిరిగి ఈ నెల 27వ తేదీన మళ్లీ సమావేశం కావాలని కమిటీ నిర్ణయించుకుంది.


