మహాకూటమి సంబరాలు
Published on: Sun Nov 8, 2015 9:50AM

బీహార్ ఎన్నికలలో ఓట్ల లెక్కింపు సందర్భంగా ఆర్జేడీ నాయకత్వంలోని మహా కూటమికి స్పష్టమైన ఆధిక్యం లభిస్తున్న నేపథ్యంలో జేడీయూ, ఆర్జేడీ వర్గాలు సంబరాలు చేసుకోవడం ప్రారంభించాయి. పట్నాలో జేడీయు, ఆర్జేడీ కార్యకర్తలు, నాయకులు వీధుల్లోకి వచ్చి సంబరాలు చేసుకుంటున్నారు. మిఠాయిలు తినిపించుకుంటూ, రంగులు చల్లుకుంటూ హడావిడి చేస్తున్నారు. కౌంటింగ్ ప్రారంభమైన సమయంలో ఆధిక్యం లభించినప్పుడు ఎన్డీయే వర్గాలు కూడా ఇలాగే సంబరాలు చేసుకున్నాయి. ఆ తర్వాత వెనుకబడటంతో ఆ వర్గాలు చల్లబడ్డాయి. పరిస్థితులను చూస్తుంటే ఎన్డీయే వర్గాలు ఇక సంబరాలు చేసుకునే అవకాశం కనిపించడం లేదు.


