గత కొంతకాలంగా తెలంగాణ టిడిపి ముఖ్యనేతలు కొందరు తెలంగాణ అధికార పార్టీ అయిన టీఆర్ఎస్ లో చేరడానికి రంగం సిద్దం చేసుకుంటున్నట్లు మీడియాలో వార్తలు హల్ చల్ చేస్తున్న సంగతి తెలిసిందే. తాజాగా ఈ వార్తలపై తెలంగాణ టిడిపి నేత రేవంత్ రెడ్డి స్పందించారు. తాము టిడిపిని వీడుతున్నట్లు వస్తున్న వార్తలన్ని సాక్షి పత్రికలోని ఓ విలేకరి కల్పిస్తున్న కట్టు కథలని అన్నారు. తాను టీఆర్ఎస్ పార్టీలో చేరితే తనకి ముఖ్యమంత్రి పదవి ఇస్తారా? అని గట్టిగా ప్రశ్నించారు. ఆ పార్టీ వాళ్ళంతా వచ్చి తన కాళ్ళు మొక్కినా నేను ఆ పార్టీలో చేరానని ఘాటుగా సమాధానమిచ్చారు. కొత్త ప్రభత్వం వచ్చింది కాదా అని ఎలాంటి విమర్శలు చేయకపోవడంతో, ఇలాంటి వదంతులు ప్రచారం చేస్తున్నారని అన్నారు. అయితే ఈవిషయం పై రేవంత్ రెడ్డి కొంచెం ఘాటుగా స్పదించారని రాజకీయవర్గాలు అంటున్నాయి.