ఎన్టీఆర్ ను కేసీఆర్ మరిచిపోవడం దారుణం.. రేవంత్
Published on: Tue Jan 19, 2016 11:27AM

ఎన్టీఆర్ వర్ధంతి సందర్భంగా తెలంగాణ టీడీపీ ఫైర్ బ్రాండ్ రేవంత్ రెడ్డి తెలంగాణ ముఖ్యమంత్రి కేసీఆర్ పై మండిపడ్డారు. ఎన్టీఆర్ వర్ధంతిని తెలంగాణ ప్రభుత్వం మరచిపోవడంపై ఆయన ఆగ్రహం వ్యక్తం చేశారు. ఎన్టీఆర్ వర్ధంతిని తెలంగాణ ప్రభుత్వం లాంఛనంగా నిర్వహించకపోగా, నిర్వహించడానికి తమకు అనుమతులివ్వకుండా అడ్డుపడ్డారని.. తనకు రాజకీయ జీవితాన్ని ప్రసాదించిన ఎన్టీఆర్ ను కేసీఆర్ మరిచిపోవడం దారుణని అన్నారు. ఈ విషయమై వెంటనే తెలుగు ప్రజలకు కేసీఆర్ బహిరంగ క్షమాపణ చెప్పాలని డిమాండ్ చేశారు. ఇదే విషయంపై మరో టీడీపీ నేత మోత్కుపల్లి నర్సింహులు కూడా ప్రభుత్వ తీరుపై మండిపడ్డారు.


