కేటీఆర్ సవాల్ కు రేవంత్ రెడ్టి ప్రతిసవాల్..
Published on: Wed Jan 13, 2016 9:21AM

తెలంగాణ టీడీపీ నేత రేవంత్ రెడ్డి తెలంగాణ రాష్ట్రంలో నిరంకుశ పాలన కొనసాగుతోందని నిజాం కాలేజీ గ్రౌండ్స్ లో ఏర్పాటు చేసిన బహిరంగ సభలో అన్నారు. గ్రేటర్ ఎన్నికల్లో భాగంగా బీజేపీ-టీడీపీ పార్టీలు నిజాం కాలేజీ గ్రౌండ్స్ లో ఏర్పాటు చేసిన బహిరంగ సభతో తమ ప్రచారాన్నిలాంఛనంగా ప్రారంభించిన సంగతి తెలిసిందే. ఈ సందర్భంగా రేవంత్ రెడ్డి మాట్లాడుతూ అధికారంలోకి వచ్చిన టీఆర్ఎస్ ప్రభుత్వం ఇప్పటి వరకూ ఏ ఒక్క హామీ కూడా నెరవేర్చలేదని అన్నారు. తెలంగాణ రాష్ట్రం అందరి కృషి వల్లే వచ్చింది అంతే కాని మీ ఒక్కరి వల్లే వచ్చింది కాదని ఎద్దేవ చేశారు. అంతేకాదు మంత్రి కేటీఆర్ విసిరిన సవాల్ కు రేవంత్ రెడ్డి ప్రతి సవాల్ విసిరారు. ఈ గ్రేటర్ ఎన్నికల్లో 100 సీట్లు కనుక టీఆర్ఎస్ పార్టీ గెలిస్తే తాను రాజకీయాలనుండి తప్పుకుంటానని రేవంత్ రెడ్డి అన్నారు. మరి ఎవరు రాజీనామా చేస్తారో.. ఎవరు రాజకీయాలనుండి తప్పుకుంటారో తెలియాలంటే కొద్దిరోజులు ఆగాల్సిందే.


