కవితకు రేవంత్ రెడ్డి కౌంటర్.. మీకు భోళా శంకరుడే..
Published on: Wed Jan 6, 2016 3:50PM

తెలంగాణ టీడీపీ ఫైర్ బ్రాండ్ రేవంత్ రెడ్డి కేసీఆర్ ను విమర్శించడంలో ఎప్పుడూ ముందుంటారు. ఎప్పటిలాగే ఇప్పుడు కూడా కేసీఆర్ పై విమర్శలు గుప్పించారు. కేసీఆర్ కూతురు కవిత.. కేసీఆర్ ను ఉద్దేశించి తన తండ్రి భోళా శంకరుడు అని వ్యాఖ్యానించింది.. ఇందుకు గాను రేవంత్ రెడ్డి కవితకు కౌంటర్ ఇస్తూ కవితమ్మా! కెసిఆర్ మీ కుటుంబానికే భోళా శంకరుడే అని ఎద్దేవా చేశారు. అంతేకాదు కేసీఆర్ చేసిన యాగంపై కూడా రేవంత్ రెడ్డి విమర్శలు చేశారు. తన పదవిని కాపాడుకోవడం కోసమే కేసీఆర్ ఆయుత చండీయాగం చేశారని అన్నారు. గ్రేటర్ ఎన్నికల కోసం కెసిఆర్ చెప్పే మాటలను ప్రజలు ఎవరూ నమ్మవద్దని.. టిడిపి అధ్యక్షులు నారా చంద్రబాబు నాయుడు కోసం ప్రాణాలు ఇచ్చేందుకు తెలంగాణలో వేలాది మంది ఉన్నారని రేవంత్ రెడ్డి వ్యాఖ్యానించారు.


