ఓటుకు నోటు కేసులో అత్యంత కీలకమైన తెరాస నామినేటెడ్ ఎమ్మెల్యే స్టీఫెన్ సన్ తన వాంగ్మూలాన్నీ నాంపల్లి ఏసీబీ కోర్టులో ఇచ్చిన సంగతి తెలిసిందే. స్టీఫెన్ సన్ ఇచ్చిన వాంగ్మూలం శుక్రవారం మధ్యాహ్నం కోర్టుకు చేరింది. అయితే ఈ నేపథ్యంలో స్టీఫెన్ సన్ ఇచ్చిన వాంగ్మూలం గురించి తనకు తెలియాలంటూ రేవంత్ రెడ్డి కోర్టులో పిటిషన్ దాఖలు చేశారు. స్టీఫెన్ సన్ ఏం వాంగ్మూలం ఇచ్చాడో తెలుసుకోవాలని.. తెలుసుకునే అవసరం తనకు ఉందని.. దానికి సంబంధించిన సర్టిఫైడ్ కాపీ కావాలని పిటిషన్ దాఖలు చేశారు. స్టీఫెన్ సన్ చెప్పిన వాంగ్మూలం పరిశీలించిన తరువాతే ఈకేసులో ఎలా ముందుకెళ్లాలన్న నిర్ణయం తీసుకుంటామని రేవంత్ రెడ్డి తరపు న్యాయవాదులు వెల్లడించారు. ఇదిలా ఉండగా రేవంత్ రెడ్డికి ఈనెల 29 వరకు జ్యుడీషియల్ కస్టడీ పొడిగించిన సంగతి తెలిసిందే.