ఓటుకు నోటు కేసులో రేవంత్ రెడ్డి స్టీఫెన్ సన్ తో చేసిన సంభాషణలకు సంబంధించి ఆడియో, వీడియో రికార్డులను ఏసీబీ ఫోరెన్సిక్ ల్యాబ్ కు పంపించింది. దీనితో పాటు రేవంత్ రెడ్డి, స్టీఫెన్ సన్, సెబాస్టియన్, ఉదయసింహల ఫోన్లు కూడా ఫోరెన్సిక్ ల్యాబ్ కు పంపించారు. ఇప్పటికే ఆడియో, వీడియో టేపుల్లో ఉన్న గొంతును ఏసీబీ అధికారులు గుర్తించారు. అయినా ఇందుకు సంబంధించిన నివేదిక ఫోరెనిక్స్ ల్యాబ్ నుండి రెండు మూడు రోజుల్లో వచ్చే అవకాశం ఉన్న నేపథ్యంలో ఆ నివేదిక కూడా వచ్చిన తరువాత ఏసీబీ తదుపరి చర్యలు తీసుకునే అవకాశం ఉన్నట్టు తెలుస్తోంది.