TeluguOne Health
● # Tweets

Download the TeluguOne App

Choose your platform to continue

భారీగా పెరిగిన రిలయన్స్ సంపద!

Published on: Thu Apr 23, 2020 1:15PM

ఫేస్ బుక్-రిలయన్స్ జియో మధ్య భారీ డీల్ కుదిరిన నేపథ్యంలో, రిలయన్స్ ఇండస్ట్రీస్ షేర్ విలువ నిన్న ఏకంగా 10 శాతం వరకు పెరిగింది. చైనా ఈకామర్స్ సంస్థ 'అలీబాబా' అధినేత జాక్ మాను రిలయన్స్ అధినేత ముఖేశ్ అంబానీ మరోసారి అధిగమించారు. దీంతో, ముఖేశ్ సంపద విలువ నిన్న ఒక్కరోజే 4.7 బిలియన్ డాలర్లు పెరిగింది. ఈ క్రమంలో, ఆయన సంపద 49.2 బిలియన్ డాలర్లకు చేరుకుంది. దీంతో, జాక్ మా సంపద కంటే 3.2 బిలయన్ డాలర్ల ఎక్కువ సంపదతో ముఖేశ్ మరోసారి ఆసియాలో అత్యంత శ్రీమంతుడిగా అవతరించారు.

రిలయన్స్ జియోలో ఫేస్ బుక్ రూ. 43,574 కోట్ల పెట్టుబడులు పెట్టిన సంగతి తెలిసిందే. ఇది దాదాపు 10 శాతం వాటాకు సమానం. మరోవైపు, ఫేస్ బుక్ తో డీల్ కుదుర్చుకున్న నేపథ్యంలో పలువురు ప్రముఖ పారిశ్రామికవేత్తలు ముఖేశ్ అంబానీని ప్రశంసిస్తున్నారు. ప్రపంచ దేశాలు భారత్ వైపు చూస్తున్నాయనేదానికి ఇది నిదర్శనమని అంటున్నారు. కరోనా ఉపద్రవం ముగిసిన తర్వాత ప్రపంచ పెట్టుబడులకు భారత్ కేంద్ర స్థానం అవుతుందని ఆనంద్ మహీంద్రా అన్నారు.