TeluguOne Health
● # Tweets

Download the TeluguOne App

Choose your platform to continue

హరికృష్ణ పార్థివ దేహాన్ని ఎన్టీఆర్‌భవన్‌కి ఎందుకు తీసుకెళ్లలేదు?

Published on: Thu Aug 30, 2018 5:52PM

 

నందమూరి హరికృష్ణ అంతిమయాత్ర ఆయన నివాసం నుండి మహాప్రస్థానం వరకు సాగింది.. ఆయన అంతిమ సంస్కారాలు ప్రభుత్వ అధికారిక లాంఛనాలతో మహాప్రస్థానంలో ముగిసాయి.. అయితే తొలుత హరికృష్ణ పార్థివ దేహాన్ని ఆయన నివాసం నుండి ఎన్టీఆర్ ట్రస్ట్ భవన్ కి తరలించి, అభిమానులు సందర్శనార్థం అక్కడ కాసేపు ఉంచాలనుకున్నారు.. కానీ అది కుదరలేదు.. శ్మశాన వాటికకు వెళ్లేముందు పార్థివ దేహానికి స్నానం చేయించాల్సి వుంది.. ఇదంతా చేసి టీడీపీ ఆఫీసుకి తీసుకెళ్తే, మళ్లీ స్నానం కోసం ఇంటికి తీసుకురావాల్సి ఉంటుంది.. ఇదంతా ఇబ్బందితో కూడిన వ్యవహారమని భావించి ఎన్టీఆర్ ట్రస్ట్ భవన్‌కు తీసుకెళ్లలేదని సమాచారం.. అదీగాక సమయం మించిపోవడంతో పాటు, ఎన్టీఆర్ ట్రస్ట్ భవన్‌ లో అభిమానుల తాకిడి ఎక్కువైతే కంట్రోల్ చేయటం కష్టమని కూడా భావించినట్టు తెలుస్తోంది.. దీంతో అభిమానుల సందర్శనార్థం పార్థివ దేహాన్ని హరికృష్ణ నివాసం వద్దనే వుంచారు.. మరోవైపు ఎన్టీఆర్ భవన్ కి తీసుకెళ్లడం కుదరకపోవడంతో హరికృష్ణ పార్థివదేహంపై చంద్రబాబు టీడీపీ జెండాను కప్పారు.