కడప జిల్లా రాయదుర్గం నియోజకవర్గంలో యువకులకు మహర్ధశ పట్టింది, వీరికి అల్పాహారం, ఇతర అవసరాలు పైసా ఖర్చు పెట్టాల్సిన అవసరం లేకుండా ఉప ఎన్నికల పుణ్యమా అని అభ్యర్థులే ఏర్పాట్లు చేస్తున్నారు. నియోజకవర్గంలోని బొమ్మనహాళ్ లో యువకులకు అభ్యర్థులు క్రికెట్ కిట్లు పంపిణీ చేశారు. కోరితే ఉచితంగా మద్యం అందిస్తున్నారు. అలానే ఇళ్ళకు తీసుకువెళ్ళేందుకు మాంసాన్ని కూడా అందజేస్తున్నారు. ఒక్క యువకుల అవసరాలు తీర్చేందుకు బూత్ కు రెండువేల రూపాయల చొప్పున అభ్యర్థులు కేటాయించారు. నియోజకవర్గంలో యువ ఓటర్ల సంఖ్య ఎక్కువగా ఉందని గమనించిన అభ్యర్థులు వారికి సకల ఏర్పాట్లు చేస్తున్నారు. ఇదే నియోజకవర్గంలోని కణీకల్లు మండలంలో ఓటర్లకు రూ, ఐదొందల చొప్పున పంపిణీ చేశారు. తమకు గతంలో మాదిరిగా తక్కువ డబ్బులు ఇస్తే ఓట్లేసేది లేదని దబాయించి మరీ డబ్బులు తీసుకుంటున్నారని తెలిసింది.