నిప్పులాంటి భారీ డిజాస్టర్‌ ఇచ్చిన వైవియస్ చౌదరి నిర్మాతగా రవితేజ మరోసినిమా చేయనున్నాడు. గతంలో నిప్పు సినిమాతో నష్టపోయిన వైవియస్‌ను ఆదుకోటానికే రవితేజ ఈ సినిమా అంగీకరించాడన్న టాక్‌ వినిపిస్తుంది.

బొమ్మరిల్లు బ్యానర్‌పై యాక్షన్‌ ఎంటర్‌టైనర్‌గా తెరకెక్కనున్న ఈ సినిమా ద్వారా బాబి అనే కొత్త దర్శకడు పరిచయం కాబోతున్నాడు. బలుపు సినిమాకు కథ అందించి రవితేజ కెరీర్‌ను మళ్లీ సక్సెస్‌ట్రాక్‌లోకి తీసుకొచ్చిన బాబితో ఓ సినిమా చేస్తానని బలుపు షూటింగ్‌ సమయంలోనే రవితేజ మాట ఇచ్చాడు. ఇప్పుడు ఆ మాటకు కట్టుబడి ఈ సినిమా అంగీకరించాడట.

ఇటీవల వైవియస్‌ చౌదరి ఆఫీస్‌లో యూనిట్‌ సభ్యుల మధ్య పూజా కార్యక్రమాలు జరుపుకున్న ఈసినిమా రెగ్యులర్‌ షూటింగ్‌ ఈ నెలఖరునుంచి ప్రారంభం కానుంది. మరి రవితేజకు బలుపులాంటి సక్సెస్‌ఫుల్‌ కథ అందించిన బాబి డైరెక్టర్‌గా ఎంతవరకు సక్సెస్‌ అవుతాడో చూడాలి.