వివాదాలతో నిరంతరం వార్తల్లో ఉండే రాంగోపాల్ వర్మ తాజాగా కేసీఆర్ పై వివాదాస్పద వ్యాఖ్యలు చేశాడు. కేసీఆర్ ఇలియానా కంటే అందంగా ఉంటారు కానీ ఈ మధ్య నిత్యామీనన్ కంటే బాగా నటిస్తున్నారని సంచలన వ్యాఖ్యలు చేశారు. ఇది మంచికో, చెడుకో నాకు అర్ధ కావడం లేదని కామెంట్ చేశారు. అయితే రామ్ గోపాల్ వర్మ కేసీఆర్ పై చేసిన కామెంట్స్ కు టీఆర్ఎస్ నేతలు అభ్యంతరం వ్యక్తం చేశారు. ఒక రాష్ట్రానికి ముఖ్యమంత్రి పదవిలో ఉన్న కేసీఆర్ ను హీరోయిన్ల తో పోల్చడం రాంగోపాల్ వర్మ ముర్ఖత్వానికి నిదర్శనమని మండిపడ్డారు. గతంలో కూడా కేసీఆర్ పై ఇలాంటి కామెంట్స్ చేశారని, రాంగోపాల్ వర్మకు ప్రముఖలపై వివాదాస్పద వ్యాఖ్యలు చేసి ప్రచారం చేసుపోవడం అలవాటై పోయిందని అన్నారు. ఇప్పటికైనా ఇలాంటి కామెంట్లు చేయడం మానకపోతే చట్టపరమైన చర్యలు తీసుకోవాల్సి వస్తుందని హెచ్చరించారు.