రాంచరణ్ హీరోగా కృష్ణవంశీ దర్శకత్వంలో తెరకెక్కనున్న మల్టీస్టారర్ చిత్ర షూటింగ్ ఇటీవలే ప్రారంభమయ్యింది. ఇందులో చరణ్ న్యూ లుక్ లో కనిపించబోతున్నాడు. ఈ చిత్రానికి సంబంధించిన చరణ్ ఫస్ట్ లుక్ ను మార్చి27 చరణ్ పుట్టినరోజు సందర్భంగా విడుదల చేయనున్నారు. చరణ్ సరసన కాజల్ హీరోయిన్ గా నటిస్తుంది. పరమేశ్వర ఆర్ట్ ప్రొడక్షన్స్ బ్యానర్లో బండ్ల గణేష్ నిర్మిస్తున్న ఈ చిత్రంలో శ్రీకాంత్, కమలినీ ముఖర్జీ ముఖ్య పాత్రలలో నటిస్తున్నారు. ప్రస్తుతం ఈ చిత్ర షూటింగ్ తమిళనాడులో జరుగుతుంది. తమన్ సంగీతం అందిస్తున్నాడు. ఈ చిత్రానికి సంబంధించిన మరిన్ని వివరాలు త్వరలోనే తెలియనున్నాయి.