సినీ నటి రంభ మీద ఆమె మరదలు పల్లవి బంజారా హిల్స్ పోలీస్ స్టేషన్‌లో గృహ హింస కేసు నమోదు చేసిన విషయం తెలిసిందే. ఈ అంశం మీద రంభ సోదరుడు శ్రీనివాస్ స్పందించారు. తనతో వ్యక్తిగత విభేదాలు వున్న తన భార్య పల్లవి పబ్లిసిటీ కోసమే రంభ పేరును ఈ కేసులో ఇరికించిందని, పాపం రంభకు ఏ పాపమూ తెలియదని వివరణ ఇచ్చారు. రంభపై ఆరోపణలు చేసిన తన భార్యపై చర్యలు తీసుకుంటానని హెచ్చరించారు.. తన భార్య కుటుంబ సభ్యులు వెనుక నుంచి తన భార్య చేత ఈ డ్రామా ఆడిస్తున్నారని శ్రీనివాస్ అన్నారు. తన భర్త శ్రీనివాస్‌తో పాటు ఆయన సోదరి అయిన నటి రంభ, అత్త ఉషారాణి, మామ వెంకటేశ్వరరావు తనను అదనపు కట్నం కోసం వేధిస్తున్నారంటూ పల్లవి పోలీసులకు ఫిర్యాదు చేశారు.