ప్రముఖ దర్శకుడు రాంగోపాల్ వర్మ మీద నమోదైన కేసుల మీద హైకోర్టు స్టే విధించింది. రామ్‌ గోపాల్ వర్మ వినాయకుడి మీద తన ట్విట్టర్ ఖాతాలో కొన్ని వ్యాఖ్యలు చేయడంతో ఆంధ్రప్రదేశ్, తెలంగాణ రాష్ట్రాలతోపాటు దేశంలోని పలు ప్రాంతాల్లో ఆయన మీద కేసులు నమోదయ్యాయి. ఒక్క హైదరాబాద్లోనే అనేక పోలీసు స్టేషన్లలో ఆయన మీద కేసులు పెట్టారు. రాంగోపాల్ వర్మ హిందువుల మనోభావాలను దెబ్బతీసేలా వ్యాఖ్యలు చేశారని, అవి బాధ్యతారహితంగా ఉన్నాయంటూ మహారాష్ట్రలో కూడా ఆయనపై కేసులు నమోదయ్యాయి. ఇప్పుడు తెలంగాణ, ఆంధ్రప్రదేశ్ రాష్ట్రాల వరకు హైకోర్టు స్టే ఇచ్చింది. ఇది రామ్ ‌గోపాల్ వర్మకి ఊరట ఇచ్చే విషయమే.