నిర్భయ కేసులో జువైనల్ గా శిక్షపొందుతున్న నిందితుడు విడుదలైన సంగతి తెలిసిందే. దీనిపై తృణమూల్ కాంగ్రెస్ రాజ్యసభ సభ్యుడు ఒబ్రెయిన్ తీవ్రంగా స్పందించారు. రాజ్యాసభలో జువైనల్ చట్టసవరణ బిల్లుపై చర్చ సందర్బంగా ఆయన మాట్లాడుతూ ఢిల్లీ గ్యాంగ్‌రేప్ బాధితురాలు నిర్భయ స్థానంలో ఒకవేళ తన కూతురు కనుక ఉండి ఉంటే.. నిందితులను అప్పుడే కాల్చి చంపేవాడినని ఆగ్రహం వ్యక్తం చేశారు. బిజెపి, కాంగ్రెస్ పార్టీలు సమస్యపై రాజకీయం చేస్తున్నాయని.. జువెనైల్ చట్ట సవరణ బిల్లుకు తృణమూల్ కాంగ్రెస్ పార్టీ మద్దతు తెలిపుతోందని చెప్పారు. ఈ బిల్లును దేశ ప్రజలందరూ కోరుకుంటున్నారని.. ఎంపీలందరూ ఈ బిల్లుకు ఆమోదం తెలపాలని అన్నారు. జువెనైల్ జస్టిస్ బిల్లును మరింత పటిష్టం చేసేందుకు అందరూ ఒక్కటికావాలన్నారు. బాల నేరస్థుల శిక్ష కాలాన్ని పెంచాలని ప్రభుత్వాన్ని ఆయన కోరారు.