సరిహద్దులో ఘర్షణ నేపథ్యంలో.. రాజ్ నాథ్ తో చైనా రక్షణ మంత్రి తొలి భేటీ
Published on: Sat Sep 5, 2020 9:39AM
భారత చైనా సరిహద్దులో యుద్ధ వాతావరణం నెలకొన్న నేపథ్యంలో రెండు దేశాల రక్షణ మంత్రులు తొలి సారి భేటీ అయ్యారు. ప్రస్తుతం మాస్కోలో జరుగుతున్న షాంఘై సహకార సంస్థ సదస్సులో పాల్గొనేందుకు వెళ్లిన మన రక్షణ శాఖ మంత్రి రాజ్నాథ్ సింగ్ నిన్న సాయంత్రం చైనా రక్షణ మంత్రి వీ ఫెంగ్జితో సమావేశమయ్యారు. ఈ సందర్భంగా రెండు దేశాల మధ్య ఉద్రిక్తతలు నెలకొన్న నేపథ్యంలో పలు కీలక అంశాలపై చర్చించినట్టుగా తెలుస్తోంది. ప్రస్తుతం లడఖ్ సరిహద్దులో నెలకొన్న తాజా ఉద్రిక్త పరిస్థితులపై కూడా వీరు చర్చించినట్టుగా తెలుస్తోంది. దాదాపు రెండున్నర గంటలపాటు ఇద్దరి మధ్య ఈ సమావేశం జరిగింది. సరిహద్దులోని వాస్తవాధీన రేఖ వెంబడి యథాతథస్థితిని కొనసాగించాలని ఈసందర్భంగా రాజ్నాథ్ చైనాను కోరారు. అయితే మే నెలలో లడఖ్లోని గల్వాన్ లోయలో రెండు దేశాల మధ్య తీవ్రస్థాయిలో ఘర్షణ జరిగి రెండు దేశాల సైనికులు కూడా మరణించిన తర్వాత భారత చైనాల మధ్య ఉన్నతస్థాయి సమావేశం జరగడం ఇదే మొదటిసారి.


