సోనియాని చంపేస్తారని రాహుల్ భయం...

రాహుల్ గాంధీ మంచి రాజకీయ నాయకులు కాకపోవచ్చు.. సరైన ప్రధానమంత్రి అభ్యర్థి కాకపోవచ్చు.. పరిపక్వత లేని రాజకీయ నాయకుడు కావచ్చు... తల్లి చాటున వుండి అధికారం చెలాయించిన వ్యక్తి కావొచ్చు.. ఆయనలో ఎన్ని లోపాలున్నా... ఒక్క ప్లస్ పాయింట్ మాత్రం వుంది. అది ఏమిటంటే, రాహుల్ గాంధీకి తన తల్లి అంటే అపారమైన ప్రేమ. చాల్చాల్లే తల్లి అంటే ప్రేమ లేనిది ఎవరికి? ఒక్క రాహుల్ గాంధీకే తల్లి అంటే ప్రేమా అని ప్రశ్నించొద్దు ప్లీజ్! రాహుల్ గాంధీకి తన తల్లి సోనియా గాంధీ అంటే ఎంతో ప్రేమ. ఎంత ప్రేమ అంటే.. ఆమెని ప్రధానమంత్రి పీఠం మీద కూర్చోకుండా చేసేంత ప్రేమ. 2004 ఎన్నికల తర్వాత సోనియాగాంధీ ప్రధానమంత్రి అవ్వాలని అనుకున్నారట. అయితే రాహుల్ గాంధీయే అడ్డు పడిపోయారట. సోనియా ప్రధాని అయితే, తన నానమ్మ ఇందిరా గాంధీలాగా, తండ్రి రాహుల్ గాంధీ లాగా తీవ్రవాదుల చేతిలో చనిపోయే ప్రమాదం వుందని భయపడిపోయాడట. అందుకే నువ్వు ప్రధానమంత్రి కావడానికి వీల్లేదమ్మా అని అడ్డు పడిపోయాడట. ఈ విషయాలని కేంద్ర మాజీ మంత్రి, కాంగ్రెస్ మాజీ నాయకుడు నట్వర్ సింగ్ తన ఆత్మకథలో రాశారు. ఈ కుటుంబం గురించి ఇంకా బోలెడన్ని సంచలనాత్మక విషయాలను ఆయన తన ఆత్మకథలో పొందుపరిచారట.