TeluguOne Health
● # Tweets

Download the TeluguOne App

Choose your platform to continue

రాహుల్ కు సుప్రీంలో రిలీఫ్

Published on: Tue Dec 1, 2015 9:22AM

రాహుల్ గాంధీ పౌరసత్వంపై వస్తున్న వివాదాలు మనకు తెలిసిందే. రాహుల్ గాంధీ భారతీయుడు కాదని.. అతనికి లండన్ పౌరసత్వం ఉందని పలు ఆరోపణలు వచ్చాయి. అంతేకాదు అతని పౌరసత్వంపై వెంటనే చర్యలు తీసుకోవాలని అంటూ ప్రముఖ న్యాయవాది ఎం.ఎల్. శర్మ సుప్రీంకోర్టులో పిటిషన్ కూడా దాఖలు చేశారు. అయితే అప్పుడు ఈ పిటషన్ పై విచారణ జరిపిన సుప్రీంకోర్టు ఇంత అర్జెంట్ గా విచారించవలసిన అవసరం లేదంటూ తోసిపుచ్చింది. కానీ ఈ వ్యవహారంపై ఇప్పుడు రాహుల్ కు కాస్త ఊరట కలిగినట్టు తెలుస్తోంది. సోమవారం ఈపిటిషన్ పై విచారణ జరిపిన సుప్రీంకోర్టు ఈ పిటిషన్ కు అర్హత లేదంటూ కొట్టిపారేసింది. అంతేకాదు ఇలాంటి పిటిషన్లు వేసేప్పుడు ఒకటికి రెండుసార్లు ఆలోచించుకోవాలని కూడా పిటిషనర్ ను సుప్రీంకోర్టు మందలించినట్టు తెలుస్తోంది. మరి ఇప్పుడైనా రాహుల్ పై విమర్శలు చేయకుండా ఆపుతారో? లేదో? చూడాలి.