ప్రముఖ కొరియోగ్రాఫర్, దర్శకుడు లారెన్స్ తిరుమల ఆలయ సిబ్బంది పట్ల తీవ్ర ఆగ్రహం వ్యక్తం చేశారు. శ్రీవారి దర్శనార్ధం తల్లి, భార్య, కుటుంబ సభ్యులతో ఆదివారం రాత్రి లారెన్స్ తిరుమలకు వచ్చారు. సోమవారం ఉదయం స్వామివారిని దర్శించుకున్నారు. అనంతరం మీడియాతో మాట్లాడుతూ.. ఆలయంలో భక్తుల పట్ల సిబ్బంది తీరును తీవ్రంగా నిరసించారు. సిబ్బంది చాలా దురుసుగా ప్రవర్తించారని, మొక్కు తీర్చుకునే సమయంలో తన భార్య, తల్లిని పలుమార్లు తోసేశారని, కుక్కలకన్నా హీనంగా తరిమేస్తున్నారని ఆవేదన వ్యక్తం చేశారు. అయితే నిబంధనల ప్రకారమే లారెన్స్ కు దర్శన ఏర్పాట్లు చేయడం జరిగింది టీటీడీ అధికారులు అన్నారు.