"ఇద్దరమ్మాయిలతో" వంటి ఫ్లాప్ చిత్రం తర్వాత కసిగా ఉన్న అల్లు అర్జున్ తన తరువాతి చిత్రంపై బాగా నమ్మకంతో ఉన్నాడు. అల్లు అర్జున్ హీరోగా నటిస్తున్న తాజా చిత్రం "రేసు గుర్రం". ఈ సినిమాలో బన్నీ కొత్తగా కనిపించబోతున్నాడు. సురేందర్ రెడ్డి దర్శకత్వలో తెరకెక్కుతున్న ఈ చిత్ర ఫస్ట్ లుక్ ను రేపే(డిసెంబర్ 7) విడుదల చేయబోతున్నారు. సురేందర్ రెడ్డి పుట్టినరోజు సందర్భంగా ఈ చిత్ర ఫస్ట్ లుక్ ను రేపు విడుదల చేస్తున్నారు. శృతిహాసన్, సలోని హీరోయిన్లుగా నటిస్తున్నారు. యాక్షన్ కమర్షియల్ ఎంటర్ టైనర్ గా తెరకెక్కుతున్న ఈ చిత్రాన్ని నల్లమలుపు బుజ్జి నిర్మిస్తున్నాడు. మొదటిసారిగా బన్నీ చిత్రానికి తమన్ సంగీతం అందిస్తున్నాడు. త్వరలోనే ఆడియోను కూడా విడుదల చేయడానికి సన్నాహాలు చేస్తున్నారు.