తిరుమల నడక దారిలో భారీ కొండచిలువ  హల్చల్  చేసింది.   పది అడుగుల పొడవు ఉన్న కొండచిలువను చూసి భక్తులు భయంతో పరుగులు తీశారు. జనం అలికిడి, హడావుడితో ఆ కొండచిలువ నడకదారిలోని ఓ దుకాణంలోకి దూరింది.  

దుకాణదారుడు, భక్తులు వెంటనే స్నేక్ క్యాచర్ కు సమాచారం అందించారు. వెంటనే స్పందించిన స్నేక్యాచర్ ఘటనా స్థలానికి చేరుకుని చాకచక్యంగా కొండచిలువను పట్టుకుని అటవీ ప్రాంతంలో వదిలిపెట్టారు. దీంతో  నడకదారిలో ఉన్న దుకాణాల యజమానులు, భక్తులు ఊపిరి పీల్చుకున్నారు.