కంగ్రాట్స్ మరిదిగారూ: పురందేశ్వరి
Published on: Sun Jun 8, 2014 4:49PM
.jpg)
మరిదిగారికి వదినమ్మ శుభాకాంక్షలు తెలిపారు. ఎవరా మరిది? ఎవరా వదినమ్మ? ఆ మరిది చంద్రబాబు నాయుడు, వదినమ్మ కేంద్ర మాజీ మంత్రి పురందేశ్వరి. ఆంధ్రప్రదేశ్ ముఖ్యమంత్రిగా బాధ్యతలు చేపట్టనున్న టీడీపీ అధినేత చంద్రబాబు నాయుడుకు కేంద్ర మాజీ మంత్రి పురందేశ్వరి శుభాకాంక్షలు తెలిపారు. గుంటూరులో ఆమె మాట్లాడుతూ, చంద్రబాబునాయుడి పరిపాలనా దక్షత ఆంధ్రప్రదేశ్ రాష్ట్రాన్ని ఉన్నత శిఖరాలకు చేరుస్తుందని అన్నారు. బీజేపీ సహకారం వల్లే ఆంధ్రప్రదేశ్కు ప్రత్యేక హోదా వచ్చిందని ఆమె తెలిపారు. కేంద్రంలోని బీజేపీ ప్రభుత్వ సహకారంతో ఆంధ్రప్రదేశ్ అభివృద్ధి సాధిస్తుందని ఆమె విశ్వాసం వ్యక్తం చేశారు.


