కుక్కపిల్లకి ఘనంగా బారసాల

posted on Oct 20, 2014 1:50PM

ఆ జంటకు పిల్లలు లేరు. పిల్లల్ని కనాలని, వాళ్ళకి ఘనంగా వేడుకలు చేయాలని కోరిక మాత్రం తీరకుండా మిగిలిపోయింది. దాంతో వాళ్ళ పెంపుడు కుక్కకు పుట్టిన పిల్లలకు ఘనంగా బారసాల జరిపి ముచ్చట తీర్చుకున్నారు. కరీంనగర్ జిల్లా వావిలాలపల్లి గ్రామానికి చెందిన రవి అనే వ్యక్తి ఇంట్లో పెరిగే కుక్క నాలుగు పిల్లలను పెట్టింది. దాంతో రవి దంపతులు తమ ఇంట్లో పుట్టిన కుక్కపిల్లలకు వైభవంగా బారసాల కార్యక్రమాన్ని నిర్వహించారు. బంధుమిత్రుల్ని పిలిచి విందు భోజనాలు వడ్డించారు. వచ్చిన అతిథులు సుష్టుగా తిని కొత్తగా పుట్టిన కుక్కపిల్లల్ని టామీ, పింకీ, బన్నీ, చిన్నీ అని పిలుస్తూ అక్షింతలు చల్లి వెళ్ళారు.