TeluguOne Health
● # Tweets

Download the TeluguOne App

Choose your platform to continue

మోదీ హత్యకు కుట్ర.. వరవరరావు అరెస్ట్.!!

Published on: Tue Aug 28, 2018 1:20PM

 

విప్లవ రచయితల సంఘం నేత వరవరరావు నివాసంలో పుణె పోలీసులు సోదాలు నిర్వహించారు.. గాంధీనగర్‌లోని వీవీ హౌస్‌లో వరవరరావును పోలీసులు విచారించారు.. ప్రధాని మోదీని హత్య చేసేందుకు మావోయిస్టులు చేసిన కుట్రలో వరవరరావు పేరు ఉన్నట్లు గతంలో వెలుగులోకి వచ్చిన సంగతి తెలిసిందే.. ఈ మేరకు మావోయిస్టులు రాసిన లేఖలో వరవరరావు పేరు ఉన్నట్లు గుర్తించిన పుణె పోలీసులు ఆయనపై కేసు నమోదు చేశారు.. మావోయిస్టులకు నిధుల సమీకరణలోనూ వరవరరావు పాత్ర ఉన్నట్లు పోలీసులు అనుమానిస్తున్నారు.. పుణె నుంచి హైదరాబాద్‌కు చేరుకున్న పోలీసులు మంగళవారం తెల్లవారుజామున నాలుగు బృందాలుగా ఏర్పడి సోదాలు చేపట్టారు.. వరవరరావు, ఆయన కుమార్తె, ఆయన స్నేహితులు, నాగోల్‌లోని ఓ విలేకరి నివాసంలో సోదాలు చేసారు.. మరోవైపు వరవరరావు ఇంటిదగ్గర ఉద్రిక్తత నెలకొంది.. వరవరరావు ఇంట్లో సోదాలు విషయం తెలుసుకున్న పలువురు ఆయన ఇంటికి పెద్దఎత్తున వచ్చారు.. ఈ సందర్భంగా పోలీసులతో ప్రజాసంఘాల నాయకులు వాగ్వాదానికి దిగారు.. ప్రజా గొంతుకను అణచివేస్తున్నారంటూ ఆగ్రహం వ్యక్తం చేశారు.. సోదాలు ముగిసిన తర్వాత వరవరరావును అరెస్ట్‌ చేశారు.